Jazbaat

Aur tum bhi kabhi dar pe anaa,

Hayaa ki chaadar odhe hue,

Aur tum bhi kabhi mujhse liptna,

Arsaa hua jaise bichde hue.

Aur tum bhi kabhi baahon me

Muh chupana sharmake,

Aur tum bhi kabhi cheen lena

Kuch pal nazaakat ke.

Aur tum bhi kabhi yaad karna

Mere bebas pyar ko,

Aur tum bhi kabhi bhul jana,

Meri iss haar ko.

Aur tum bhi kabhi baarish mein

Bhigi zulfon ke aad se,

Aur tum bhi kabhi ishaare karna,

Shararat bhari nigahon se.

Aur tum bhi kabhi shikayat karna,

Meri barbaad adaton se,

Aur tum bhi kabhi mujhe milna,

Chote chote baahano se.

Aur tum bhi kabhi naraaz hona,

Shararati adaaon se,

Aur tum bhi kabhi maaf kar na,

Mujhe laparwah khatao se.